Bas yun hi...

Naaraaz ho gaye ho ik chhoti si baat par,

Ro pade tum ek lamha muskura kar,

Nahi jayenge tumhe chhod ke kabhi kahin,

Jhute nahi hai kabhi dekh lo aazma kar..

Teri har kasautii pe, har shart pe marenge,

Ek ek aansu ki keemat hum adaa karenge,

Is qaaynaat ke har zarre zarre ki kasam hai,

Aakhri saans tak tujhse wafaa karenge..

Wo muskurahat ko phir is chehre pe layenge,

Saari umar tumko apni palko pe bithayenge,

Kal phir zindagi ki nayi shuruat hogi,

Aaj phir tera naam lekar mar jayenge..

Ruth te kyun ho ab maan bhi jaao na,

Lo kaan bhi pakad liye ab to muskurao na,

Chori chori haste hue badi pyaari lagti ho,

Aankhon ki is nami ko ab hataao na..

Sapno me udte hue tere paas aakar,

Badalon pe tujhe khub hasayenge,

Dil se tumhari tasweer laga kar,

Aaj bas yun hi so jayenge..

Sochte hai kyun na maana that tera kehna,

Na socha tha kabhi itne duur chale jayenge,

Is bejaan viraan si duniya ki bheed mein,

Hum akele, tanha reh jayenge..

Tere mere darmiyaan ke ye faasle badh chale hai,

Ab na ek aur aansu bahayenge,

Nahi bhule hai tera aakhri waada sach,

Kal subah hum phir se muskurayenge..

Tere honton ki hasi phir se wapas layenge,

Is akelepan ko chhode, hum tere paas chale aayenge,

Naraazgi khuda se hai meri phir bhi,

Kal hum phir tujhko manaayenge..

Aaj bas yun hi so jayenge...

© Luv, Aslam (:

Dated : 09/02/2011