Tumko bhi yaad aayenge ye socha tha,
Tumhe apna banayenge ye socha tha,
Yun hum bhi apne pyaar ki daastaan,
Tumhe shauk se sunayenge ye socha tha..
Kabhi tum neendon me chali aati ho,
In khwabon ko haqiqat banayenge ye socha tha,
Duriyon ka silsila, darmiyaan ki khamoshi,
Hum paar kar jayenge ye socha tha..
Tere liye ye saare caravan chod kar,
Hum us paar chale aayenge ye socha tha,
Duniya ki koi parwaah kiye bagair,
Teri har khushi ko apnayenge ye socha tha..
Par ab ye kya ho gaya hai....
Ab tum haste nahi,
Ye baadal baraste nahi,
Palke uthti nahi kyun,
Aankhein soti nahi kyun,
Mehfile sooni hone lagi hai,
Saansein judaa hone lagi hai,
Sab raaste soone hai,
Galiyaan yun viraan hai,
Hum bhi tanha hai,
Tum bhi tanha ho...
Ye kyun ho gaya hai ki...
Tum duur jaane lage ho,
Fir mujhe dafnaane lage ho,
Bheed me khone lage ho,
Chupke chupke rone lage ho,
Kahan chali gayi hai meri khushi,
Udaas hai aaj wo chehra haseen,
Meri kahani me ye ajab haadsa hua hai,
Jise chahaa wohi aksar parayaa hua hai..
Luv, Aslam (:
Dated : 14/4/2011
