Lets go far far away...

I have come...

I have come a long long way..

Staring at the sun...

Till the daylight slowly fades away...

So much said,

So much unheard,

Flying too high,

Encompassing my blue world...

We belong...

We belong to a place so far away...

Where the rainbow...

Spreads across the lonely bay...

Deep in your hearts,

Thinking wild,

Smiling giggling,

Just like a child..

Lets go far far away...

© Luv, Aslam (:

Dated 01/12/2009

Ijazat

Saagar ki lehron ko mudne ki ijazat nahi,

Dil ko ab tadapne ki chahat nahi,

Aa jao lautkar jahaan bhi ho tum,

Hum ye na samajh baithe ki tumko humse mohabbat nahi!!

Ashko ko aankhon mein chupane ki aadat nahi,

Begaano mein milti apno ki sohbat nahi,

Saanson mein khushbu agar aaye na teri,

Mere khuda se bhi tab hoti wo ibadat nahi!!

Meri dhadkan ko teri yaadon se fursat nahi,

Tu mil jaye to kisiki zarurat nahi,

Yun maut bhi na mil payegi mujhe,

Tere hoton pe jab hogi muskurahat nahi!!

Zindagi se phir koi hogi shikayat nahi,

Duriyon ki jab hogi zarurat nahi,

Meri nazron se dur hone na du tujhe,

Ke tere bina mere dil ki banawat nahi!!

© Luv, Aslam (:

Dated 15/11/2009

Ehsaas...

Maine har pal chaaha hai tujhe,

Har ghadi maanga hai tujhe

Saanson se juda hokar bhi

Jeene ka sahara maana hai tujhe

Ehsaas hai har lamha jo guzra

Barso intezaar ka nazrana maana hai tujhe

Tere aankhon mein dekha hai jahaan

Meri duniya ko ab sajaana hai tujhe

Palko ki nami ko rok le

In aansuon ko ab bhulana hai tujhe

Mehekti rahe teri zulfe hamesha

Is tarah apne paas bulana hai tujhe

Koi rok na paaye meri aahon ko

Apni aahon se mere dil ko sehlana hai tujhe

Ab to maut bhi na juda kar paayegi

Mere pyar ke saagar me dub jaana hai tujhe

Yun apni dhadkan me chupana hai tujhe!!

© Luv, Aslam (:

Dated 10/11/2009

Zindagi Tu Kyun Tham Gayi??

Khayalon Mein Rehne De Thoda Sa Veham...

Rabba Mere Bas Itna Ho Karam...

Saanse Chalte Chalte,

Shaam Dhalte Dhalte,

Zindagi Tu Kyun Tham Gayi??

Aahaton Pe Yaad Aayi,

Saagar Se Boond Layi,

Zindagi Tu Kyun Tham Gayi??

Chandni Maddham Hui Kuch Gungunane To De...

Chand Se Kuch Zara Sharmane To De...

Badalon Mein Chupke Chupke,

Ashq Aankhon Se Jo Chhalke,

Zindagi Tu Kyun Tham Gayi??

Bheeg Raha Wo Aanchal,

Bikhra Hua Sa Kaajal,

Zindagi Tu Kyun Tham Gayi??


© Luv, Aslam (:
Dated 25/10/2009

Zindagi ke pal...

Kyun baaton ki kahani bankar reh jaati hai....
Yaadein aadatein purani bankar reh jaati hai....
Saawla darpan bhi nahi pehchaan paata hai usko....
Par uski mohabbat nishani bankar reh jaati hai!!


Tarazu mein tolte hue bat jaate hai pal....
Haste rote kyun aa jaata hai kal....
Chand ko takte takte subah ho jaati hai....
Na jaane kyu neendein ajnabee bankar reh jaati hai!!


Aahaton ke intezaar mein gumsum aankhein hoti hai....
Kyun in mein aansuon ki nami bankar reh jaati hai....
Zindagi ke pal rangeen bhale hi ho jaye....
Mayusi ye tasweer mein kyun kami bankar reh jaati hai!!


Har pal badalte hai mausam is jeevan mein....
Mauke deti hai aur phir palatkar reh jaati hai....
Apni khushiyan yahan khud dhundhna padta hai...
Mukammal hokar bhi ye kahani adhuri bankar reh jaati hai!!


© Luv, Aslam (:
Dated 08/11/2009