Ye Kaise Ajab Silsile??

Raat nayi hai, 

Ye faasla hai,

Tanhaiyon ka ye,

Kaisa ajab silsila hai?

Mere tasawwur se karti hai baatein,

Dekhe mujhe jab ye teri aankhein,

Kaano mein goonjti rahe,

Wo tumhari sada hai,

Tanhaiyon ka ye,

Kaisa ajab silsila hai?

Jo kuch chhipe hai in palkon ke peeche,

Andhero mein yun hi aankhon ko meeche,

Baalon mein chupke jo barse,

Wo teri ghata hai,

Tanhaiyon ka ye,

Kaisa ajab silsila hai?

Paakar tujhe maine saara jahaan paaya,

Baahon mein aakar hi mujhko sukoon aaya,

Seene se jab bhi tere,

Tera aanchal dhala hai,

Tanhaiyon ka ye,

Kaisa ajab silsila hai?

Bin tere jeene ki kaisi ye majburi,

Saath hai dil tere phir bhi kyun ye doorie,

Teri mohabbat mein paayi,

Ye kaisi sazaa hai,

Tanhaiyon ka ye,

Kaisa ajab silsila hai?

Teri hasi mein main saara jahaan dekhun,

Gar tere saaye ho ye aasmaan de dun,

Rab se jo maangi thi,

Wo hi tu meri dua hai,

Tanhaiyon ka ye,

Kaisa ajab silsila hai?

© Luv, Aslam (:

Dated : Forever!!

PS: This one was written for someone real special..unknown..undeserving..yet lovely!!