Udd Chale...

Udd chale aao udd chale, udd chale badalon ke paar,

Thaame zindagi ko, chhue aasmaan ko ek baar...

Is ghadi mein, mere dil mein,

Gudgudi si machle,

Kyun ye naino ne, mere naino se,

Baandhe hai ye silsile,

Ek hawa ka jhonka, baalon se takraaye,

Pankh failaye, wo sang mere honton se dohraye..

Udd chale aao udd chale, udd chale badalon ke paar,

Thaame zindagi ko, chhue aasmaan ko ek baar...

Muskurake chal padi, khilkhilati ek nadi,

Parbaton se bhi upar, hai hamari ek zameen,

Is haseen lamhe ko, apni aankhon mein basaaye,

Pankh failaye, wo sang mere honton se dohraye..

Udd chale aao udd chale, udd chale badalon ke paar,

Thaame zindagi ko, chhue aasmaan ko ek baar...

Ek chhota sa jaahan basaaye,

Use apne sapno se sajaaye,

Na koi gham hoga,

Na koi fikr hogi,

Tum, Main, Ek aazad panchi ki tarah,

Aao sabse duur kahin, Udd jaye!!

© Luv, Aslam (:

Dated 02/02/2011